Uyari: Bu sayfada Lazca sözcükler için "Alboni Font"(yazı karakteri) kullanılmıştır. "Windows \ Fonts" dizininde Alboni Font olmayanlar karakterleri yanlış görecektir. Bunun olmaması için Windows\Fonts dizinine [Alboni Font'u buradan yükleyebilirsiniz]. Ayrıntılı bilgi için Lazuri Font ya da LazuriPC sayfamızı okuyunuz.

Her Tercih Bir Vazgeçiştir

“Üoçişi nunüus jur xuûula bziri;

mutu üala vaiâğasinon-steri

iwüer-ûu”

Üizilderilişi otkvalu

Vildan Manelişi 24.09.07 /Bursa

Komoxtu skanda;

Hemi ti mutu te ti vanudvini gza-muşis. Aksine setepe kodudvi - va moxtas ya do var-ûu beki mara kodudvi işte- mara xolo ti komoxtu… te-skanişa; ti-skanis do guri-skanis na adun te-skanişa.na re steri ya do; miti do mutu şeni var iktiri do va iktiraginon ya do… Méudi na vagatkven, mu na ren guris-skanis emedeni tkume ya do komoxtu.

Otobosi, tireni do uçaği üala na miüilen gzaepe gzimu, entepe üala na va miüilen svapes-ti

nosi do guri-muşi üala mujilu do komoxtu skanda.

Kitabepe dido üai gawonûu ya, iüitxu-şeni uüunağuruûi ya; kitabi-steri gonwüereûu guri –muşi skanda; ğareli do mpureli meûi mutu buûüa varûu, cami-steri gonâiûes buûüapek.

Emuşeni imûi-ri? Doûruxun ya do gaşkurinu do emuşeni-i? Doôûaxup do doğurun ya do –i?

Mot gagoöüondu qvauci na-ûu iya? Eşo tkvereûu ya ar fara. Dido qoroôûu ya qvaucepe? Entepe üatta xalis skidunan, dido üapeûi renan ya tkevereûu ya? Mot gaşkurinu?

Ar kiana yopşa méudiş doloxe ar didi méxade mutxani mekçereûu mara si geri meçi.

Oyy üulani! Néaşa exti!

Muüonari derini ren tolepe-skani? Muüonari mu yopşana yipşen do iâğen? Daha mu ginûu antepeşen meûi? Murûu noksani? Noksani tas-na va iqvetu-yi iya-ti?

Üirüola toma-skanişa koniüidi do vagagalen. “ Aya aya ren/ aya haşo ren” ya otku dido çetini ren skani-şeni. Ti-skanis mtelli; “haşo ti iqven/ haşo ti itkven” ya tkume do doüiyup xe do üuçxepe-skani.

Guri-skanis iwüedi; mu na korûu üai va iâireûu. Méika doçvi. “beki ûalaxi kodiçoken tude do heüule mu na ren iâiren wüaris” ya do nisimadi mara va diçoku. Ar üele ora miüilaôûu. Ar otobosis gexeûiû mara otobosi sole uluûu va giçkiûu; emus kuçkiûu mara si va giçkiûu. Ora xolo miüilapûu. “Mutu qvi/mutu tkvi” ya giwumeûu mutxani do mitxanik ti-skanişi doloxe.

Otobosi so uluûu vagaguru… Oxvenuşi çkar mutu varûu; kogexti.

Skidala-muşişen ora vagaxiyeûu, emuşeni kogexti. Aya emus-ti duwvi mara koxowonu-yi? Méudi na va gatkven kuçkiûu, sin ti emu-steri camişi kitabi na re kuçkiûu..? Méudi na tkvat – ôoûe méudi va tkvit arti üartis mara- em oras ôiôeri-steri dimöitaneûit.

Xolo ti koxowonu-yi mara?

Üiti do buéxape-muşiş izepe otobosiş camis kogexen hala.

Lazuri.Com - 04.12.2007