MCACİ BERXUTİ

Mtelişen didi na ren mcaci berxuti ren. Bundğape muşi ç̆uburiş reponi ren. Ginz̆oba muşi ar met̆ro k̆anari ren.

Gonzdimeri msvalepe(msvape) muşi ar k̆unʒ̆ulişen majuranişa jur met̆roşen dido ren Emus k̆ik̆ili k̆ap̆et̆ i, ç̆angi oşkurinoni uğun.

Mart̆işi oşk̆enas mcaci berxuti kotumek oskus göç̆k̆ap̆s. 35 ndğaşk̆ule motalepe gamulunan. Entepe mteli xçe bundğoni iqvenan. Mcaci berxutiş motalepe obğeş t̆uşak̆is, nana do baba mutepeşik 20-30 k̆ilomet̆reşi gamargvas firaloba ikipan. Entepek dido avi oşkvidapan. Ar fara; ar obğeşi xolos, 40 mʒkvitura do 300 bibiş qvilepe koz̆ires.

Mcaci berxutepe dido oras skidunan(skidurnan). Entepe var iç̆op̆ esna oşi ʒ̆anaşen dido skidurnan. Obğeşen ezdimeri, ç̆it̆a mcaci berxutepe ordo imç̆k̆enan. Mance mutepeşis eşo ga'genan ki, eya ar soti igzalaşi dido ganç̆elenan.

Mt̆k̆uri mcaci berxuti dido oşkurinoni ren. Sersi muşi ignaşi emuşen ç̆it̆a menceli na uğun, k̆vinçepe do avepe ar sotis komeşant̆kobunan. Mcaci berxutepe, ç̆it̆a berepe na iqonaps orapeti iqven. Mcaci berxuti, bazi didi k̆oçepesti ga't̆k̆vaʒen.

***

KARTAL

Hepsinden büyük olanı kartaldır. Tüyleri kestane rengindedir. Uzunluğu bir metre kadardır.

Açık kanatları bir uçtan öbürüne iki metreden fazladır. Onun gagası sağlam, pençesi korkunçtur.

Martın ortasında dişi kartal yumurtlamaya başlar. 35 gün sonra yavrular çıkarlar. Onlar hepsi beyaz tüylü olurlar. Kartalın yavruları yuvada oldukları sürece, anne ve babaları 20-30 kilometre etrafta dolaşırlar. Onlar çok avı boğarlar. Bir kere; bir yuvanın yanında, 40 tavşan ve 300 ördek kemikleri gördüler.

Kartallar uzun zaman yaşarlar. Onlar yakalanmazlarsa 100 seneden çok yaşarlar. Yuvadan alınmış, küçük kartallar çabuk alışırlar. Sahiplerine öyle alışırlar ki, o bir yere gidince çok özlerler.

Yabani kartallar çok korkunçturlar. Sesi duyulunca ondan az kuvvetli olan, kuşlar ve avlar bir yerlere saklanırlar. Kartallar, küçük çocukları götürdüğü zamanlarda olur. Kartal, bazen büyük insanlara’da saldırır.

Kaynak Kitap: OK̆İTXUŞENİ SUPARA - Majurani Fila- Soxumi- 1937
Mamç̆arale(yazar): Ʒ̆İT̆AŞİ İSKENDERİ