MGEREPEK MOTALEPEMUŞİS MUÇ̆OŞİ OGURAPAN

Ma gzas mevit̆işi, uk̆açxendo oquru vogni. Beremç̆k̆eşik qurap̆t̆u. Eya zenis unk̆ap̆ut̆u do ar mutxani oʒ̆irap̆t̆u. Ek mendap̆ʒ̆k̆adişk̆ule, zenis jur mgerişen na imt̆ert̆u bz̆iri. Arteri morderit̆u, majurani ağanmordalet̆u. Ağanmordale mgerik, ar txaş tik̆ani k̆ap̆ulas mek̆ideri iqonapt̆u. K̆uçxemuşi k̆ibiris dokaçeri unk̆ap̆ut̆u, morderi mgerik entepeş k̆ap̆ula muşis unk̆ap̆ut̆u. Ek̆ule ağanmordale do morderi mgerik, bereş k̆ap̆ulaşen(uk̆açxendoşen) unk̆ap̆inu met̆k̆oçes do omt̆inus kogoç̆k̆es. Mgerepe bz̆iriş k̆ule, manti mç̆k̆eşik̆ala entepes gevotxozi. Çkin omğorus kogevoç̆k̆it. Çkini sersişa k̆oçepe coğorepek̆ala komoxtes. Morderi mgerik k̆oçepe do coğorepe z̆iruşk̆ule, ağanmordale mgeris meç̆işu, txaş tik̆ani koguʒ̆uğu do k̆ap̆ula muşis keit̆k̆oçu. Jur mgeri mani mani unk̆ap̆es do tolişen kogondunes.

Em oras beremç̆k̆eşik oxoʒ̆onapus kogoç̆k̆u. Dulya aşot̆u: Dolorubas didi mgeri gamat̆k̆vaʒu, txaş tik̆ani oç̆opu do mendiğu.

Ağanmordale mgeri, morderi mgeri konogagu do txaş tik̆ani yezdimuşeni dixaziru. Badi mgerik, omaluşeni ağanmordale mgeris txaş tik̆ani komeçu edo muk xolo gzas dikaçu.

Jurik ma bz̆ireşk̆ule, k̆ap̆ulaçkimişen memitxozes. Ek̆ule k̆oçepe do coğorepe koz̆ireşk̆ule, morderi mgerik ogurapu konaşku do tik̆ani muk yezdu.

***

KURTLAR YAVRULARINA NASIL ÖĞRETİYORLAR

Ben yolda giderken, arkada(arka taraftan) bağırma duydum. Çocuk çoban bağırıyordu. O düzlükte koşuyordu ve bir şeyi gösteriyordu. Oraya baktıktan sonra, düzlükte iki kurttan kaçtığını gördüm. Bir tanesi büyüktü(büyümüş, yetişkin), öbürü yeniyetme idi. Yeniyetme kurt, keçi yavrusunu sırtına yüklemiş götürüyordu. Ayağını dişine takarak koşuyordu, yetişkin kurt onların arkasından koşuyordu. Sonra yeni yetme ve yetişkin kurt, çocuğun arkasından koşmayı bıraktılar ve kaçmaya başladılar. Kutları görünce, bende çobanla beraber onları kovaladım. Biz böğürmeye başladık. Bizim sesimize insanlar köpeklerle geldiler. Yetişkin kurt insanları ve köpekleri gördükten sonra, yeni yetme kurt'a yetişti, keçi yavrusunu ondan aldı ve sırtına attı. İki kurt hızlı hızlı koştular ve gözden kayboldular.

O zaman çocuk çoban anlatmaya başladı. İş böyleydi: Boğazda büyük kurt fırladı, keçi yavrusunu kaptı ve götürdü.

Yeniyetme kurt , yetişkin kurt'u karşıladı ve keçi yavrusunu almak için hazırlandı. Yaşlı kurt, götürmek için yeniyetme kurt'a keçi yavrusunu verdi ve kendisi yine yola koyuldu(tutuldu).

İkisi beni gördükten sonra, arkamdan beni kovaladılar. Sonra insanlar ve köpekleri gördükten sonra, yetişkin kurt öğretmeyi bıraktı ve keçi yavrusunu aldı.

Kaynak Kitap: OK̆İTXUŞENİ SUPARA - Majurani Fila- Soxumi- 1937
Mamç̆arale(yazar): Ʒ̆İT̆AŞİ İSKENDERİ