Erkan Hocaşi cenaze oxori.

Sabire Xala şüala Arûaşenişa cefûitudorûu. Him nanaşi eksalefe xala şüimi orûu. Sabire Xala cenci orûuşa zade mskva oxorâa orûu. Badimuşi uğurusi berepe naşüu do kogamaxûu. Zade nworu Sabire Xala.. Ar bozonta ar ti biöi kuonuûu. Gamaxûuşiüule berepe muşi var azireûu.

Uüaşxe Xasan Efendi şüala dikomocu Sabire Xala. Merkez çoyişa nusa komoxûu. Sum bere daa dvauç. Ar bozonta cur biöi.

Arûaşeni na dobguritu oxori Erkan Hocaşi oxori orûu. Erkan Hoca muelimi orûu do sağcepe doiledorûu. A xafûa (doloni) ogine mvoseles cenaze muşi. Bgara oxori kodobgutitu him seri.

Oxorişi tişineri Erkan Hocaşi ôaôu orûu. Ôici muşi va niwomileûu badi üoçi.Oxori oşüena ar didi resimi kuğuûes.Erkan Hocaşi elazi3ineri resimi.Ar da cur Cuma kuonurûu Erkan Hoca. Hiniti devrimci orûes.

Leba ora ncini üaûi dobxeditu do politikaşi bisinapitu. Devrimci na bore ogne dorûu. Ma cemonöitxes duşuncepe şkimi.. Öğrenci hareketi şeni cemonçitxes. Stanboluri ndğalepeşi do eylemepeşi dobusinapi.Hiniti Lazona muöo süudunan do sağcepe do solcepe mupe ikuman domisinapes.Yuğa ôici üale devrimcepe orgutli orûes. Artaşeni Atina Viwe Arkabi Xopa üale.. Çoyepe sağcepe korûes. Sağci cencepe çoyepeşa va caleûes.

Uüaşxe Erkan Hoca doiles. Lise inûalusi Arüaşenuri tişinerepe Lise molipşes. İriyeri onûaleri orûu. Na misinapemtes buyucamûi.

Arûaşeni lazuri berepe şüala na va borûi şeni guri maöu. Haşo mendra mo dobsüudi dorûu leûa şüimişa.

Sabire Xala oxori üoçi şüala nisinapamûu. Mati lazuri devrimcepe biçinamûi. Hini huy memagedorûu. Erkan Hocaşi da kelemixedu memisinapamûu. Adresi kebuöopi kartali bunöaraûu. Himuti devrimci orûu. Lazuri bozo. Adresi şüimi kemiöopu. Eksalefepe şüimi sağci orûes Huy lazuri ar oxori lazuri devrimcepe memagudorûu..

Lazuri devrimcepe kelemixede do komemisinapes.

Uüaşxe Didinana şüala koüobiüatitu. Noğa mutonpe dobiyindritu. Oxori na domaöites mutonpe dobiyindritu.

Çoyişa eşüebiûişa guri emampu. Duşuncepe şüimi hakşa komoxûu dorûu. Ham va mebşonumûi. Miti mutu va maâiûu.Didinanaşi laüirdepete meyeboli. Oxorişa gobiktiti curiti nöineri borûitu.

Didinana a tepsi lazuûi cari komeşkadgu soba. Heva xalaşa xomali moğu do daşxuri ogzu zade ora va golilu. Ûağaneri ti koceûağanu. Carişiüule usüuûi diyu oxori.

Çoyi şüuni ar Amedi Osmani korûu solci na on.Him Emekçişi üaseûi komepçi dorûu.Mancura berepe va nugnamûes devrimciluğişi.Ma Arûaşenuri berepe maoropu.Hako Arûaşeni Liseşa mendafûiüo hini kelebaüataûu.Mutu va gomindunaseûu.

Sûanbolişa mo mobiselitu var oxobowonamûi.Didinana meşkvapu do ogzalu mi gvaşinu.ôaôu didi noğape aoropeûu.Berepe muşiti keüionudorûu.Hako skuduteüo liseşa mektabişa malaseûu.Mati iri sûeri usüuûi ar bozonta dobiyaûu.Na mworipe kelemosüudu.

Him seri bgara oxori komebazmoni. Erkan Hoca muöo gamvanöes. Ar üoçi muöote iyilen. Haşo mutu diyeûuyi?. Faşistepe mu anan va mişüuûes. Devrimcepeti şiddetite guktes. İriyeri dolobuzğoleri orûu. Şüu sempatizanepe mutu va oxobowonamûitu. Didepe karti karti ilumûes. Hako cur dulya ar var orûu. Faşistepeşi mewiôolu do devrimcepeşi goktapu. Curi üale silaxi ixmaramûu. Mara arso ilumûu mancura guktamûu. Ham na var oxvowonas iyeni?Ese orûu. 78 devrimci hareketi faşistepe şeni şiddetite ipaşeûu.

Xoloti na mworipe kogomaşinu. Erkan Hoca do Memeûi biduşuni. Curiti üurbani diyes. Egemenepe cencepe keobğeüotiham dulyape mi ikumûu mi oilapamûu belli var orûu.

Haninepeşi daa zade va möarare!

Lazona na golobiûoçi cur tuta ar resimi dobikum. Muöo ar memleçeûi mebaşüum. Hakoni berepe muöo süudunan. Lazona ar cenüoleri senduğiorûu. Sûanbolişa na var oxiwonen. Gomsüudi. A üale xarüi sûeri dobsüudurûi Mancura üale lazi borûi.

Oüobilidorûu. Politikaşi oduşunu ma xarüi domwopxudorûu. Yoldaşepşkala gzamşinepe şkala lazi var borûi. Lazuri va masinapeûu. Arûaşenuri berepe lazuri isinapamûes. politika lazurite ikumtes. Lazuri sloganepe var uğuûes. Mara lazuri te iduşunamûes. Karti karti lazurite elvaûetes. Haninepe mazirusi gomsüudi.

Erkan Hocaşi lazuri bgara oxori lazuri berepeşa gamobiüati. Lazuri cencepe ağani maâiru Hemora gomindunaseûu. Hinişa mendra dobskudare. Lazurite ar ndğa siyaseti maxenasetuyi? Vana bida gomdunaûuyi?

Didinana olva şüimi va munyamûu. A mutu kuşüuûu. Didinana na biduşunam va cazadineûu do na mulun ndğalepe şüimi oşletinu guri uğuûu.

Marûi 2001

Selma Koçiva
E-Mail: kocivasel@lazuri.com