Cabiri  Dayişi Oxori

Didinanaşi oxori walendo Cabiri Dayişi oxori cedguûu. Tuğlaşi na oûu oxori xoloti a eveluri lazuri oxori steri orûu. Cabiri oxori çulfeûi mapxa tutape merze xeûu. Xaliüanuri oxori miti va xeûu. Him oxori müoma exûuüosi ar çanda diyeûu. Oziéinu va mikvateûu him oxorişa. Oxori neüna hikolendo doyedorûu. Haşote mendra kodosüuduûes Cabirepe..

Ma bere borûişa Cabiri Dayişi bozonta emuca şüimişi nişanli orûu. Ar ndğa duguni does mara Noğamisa zade va doxedu. Hinişi heçayepe onçaru guri miğuûu bereborûişa. Nusa va doxedu dei zade guri mvales. Ma nusa zade maoropeûu. Himuti bozonta on dei miti uci vameçamtes.

Cabiri Dayi ôaôuşüimişi eksalefe orûu. Yetimi mirdes curiti. Ar Xala kuonuûes. Aşena xala. Ma va mşun na isinapamanşi komişüun. Aşena xala var ikomocu. Cabiri oxori xeûu. Himuşeni zade heçayepe mignapun. Didinana miwomertes. ‘Aşena Xala gurgulaşa aşüurineûu. Aşena xala ma wulu borûişa omçeşapamûes.’ Xeşa mamûen ham bozonta ‘iûurûu.

Cabiri Dayi didi xoronci orûu. Noxape va mikaçeûu. Çilimuşi şüala levadepe içalişamûu. İrote radyo elakaçeri guluûu. İrote radyo oçandrinamûu. İnva ora çai ûiüina şumûu noğa gamaçamûu. Bere borûişa ôaôu şüimi Sûanboli orûu. Ma çoi ôaôu va miyonurûu. Cabiri dayi ôaôu şüimi steri orûu.

Çoyi ôaliüarepe yuüi va torumûes. Him limxona mobumeri ocaşa ciûuşa megaganeûu. Maşüurineûu himuşa. Xoloti oropate kelemikaçamûu misinapamûu him msüva layuri muşite.

Çili muşi  xala dido kai orûu. Arûaşenişa üirüela  üurabiye momiğamûes. Üaûa xafûa dugunişa olva sûeri noğaşa culurûes.

Emuca şüimi do Cabiri Dayişi bzonta gamiüatesi  Didinana şüala méika digurişes. Xoloti Cabiri oxorişa olva noğaşa celvap sûeri orûu. İnva ora mturi mtuüosi eni msüva muhabeûi heko iyeûu. Cileni avlaşa koniûes. Neâi ntxiri kogamiğamûes. Lazuûi docibumûes.

Huy merze oxori xeûes. Cabiri Dayi eni wulu bere muşi şkala süudurûu. Didinanaşi oxori xvala kodosüududorûu. Eveluri çandape so dosüudu..

Avla celabxedi Cabiri levadi üale kocelabwedi. Aşena Xalaşi mezare iâiûu. Arti Didinana aşena xalaşi levadi kanöu dorûu. Aşena levadi. Didinana xaşüumûu. Heko mşxu uça urâenepe içaneûu. Mwu komezuûu. Aşena levadişa bere borûişa şuüa mewiluşa bulurûitu. Didamangisaşa moşüurinamûes. Şüuti domaçitetes.

Ar ndğa emuca şüimi do Miktatişi Sadiüi şuüa mewiluşeni Aşena levadişa mendulvan. Hini ôri ides Miktati Riza çarçafi giüoru do şuüa fide keüuxedu. Berepe aşüurines. Hasteri heçayepe zade mignapun Xaliüana..

Cabiri oxori mezmonu mebaşüvi. Yema şeni cari bşolaûu. Didinana domiçinadu ‘Andğa cari si wopxare ‘ya. Cari dulya va mebugnamûi. Cari maşoleûu. Üuzine soba iöveûu. Cari ugojguru ôçvaûu. Didinana leroni lobja konobudorûu. Hişote idudorûu dulyaşa. Lobja ûukşi ûağaneri ti zade xazi mayeûu...

Cari komeşüabdgi. Celaxunaşe kelebinciri.Mezmoneri borûi. Universitepe va cinüoluüo Üaûa mapxa Dutxeşa momalaseûu. Guri dolomaöu. Haninepe Didinana şüala va masinapeûu, nena omaüorudorûu...

Selma Koçiva / Mayisi  2001